娱乐登录平台娱乐平台下载_一错再错‧是蠢还傻

鬼子佬有一句谚语,聪明人不会犯两次相同之错误,愚蠢者则经常为自己製造麻烦。莲花地之轿衙门,便可能是这句名言之最生动写照!

皆因近两日,轿衙门又「捉虫」,无喇喇大发善心又做咗「好人」,同打锣轿勾埋手指尾,畀佢地又玩多三季,变相又激到啲父老嬲多几个月。

条料啱啱报出嚟,「大声公」个档口又闹到爆晒灯。啲父老又闹轿老爷真係蠢到冇药医,今回又係度「捉虫」,畀打锣轿又玩多几个月。

今次落鎚,又係笑料百出,犯驳到唔恨。既然衙门已经自己爆咗出嚟话同佢倾咗成年长,加上佢哋过去嘅「案底」,已经好清楚係长期「犯规」,开档果阵,已经订名要打锣嚟先可以出街,但係佢哋已经好多年「偷鸡」,令的蚁民打咗锣,等到条颈都长晒,夹无轿坐,真係嬲到出烟,早就闹通街要判佢「极刑」,而轿老爷早一牌,又係威係势咁款,重咬牙切齿咁吓打锣轿,话重出街若再「偷食」,就要「做低」佢咁话,点知到埋门一脚,又咁啱「脚软」,真係几难令人信佢唔係「做戏」?

即使讲到老爷突发「善心」,以蚁民最大嘅「利益」以「菩蕯心肠」,畀打锣轿玩多三季,以观后效,唔通咁多年,都唔知道打锣轿个「底」咩?如果迟啲佢会化为「圣人」咁规矩,就唔使俾人闹得咁凄凉啦!

打锣轿开档咗咁多年,由係「香闺」应召,搞到通街搵食,明目张胆,反转张契,据江湖传闻讲,当年「金巴喇」个阿头,因为想搵多几个银仔刮砂,就畀人「搞掂咗」,所以更「有恃无恐」,依家张契快断时,突然又咁戏剧性发展,唔通又係「历史重演」,相信当今老爷,唔会犯两次相似「错误」卦?

‧阿茂‧

上一篇: 下一篇: